وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِلشَّيَاطِينِ ۖ وَأَعْتَدْنَا لَهُمْ عَذَابَ السَّعِيرِ
നിശ്ചയം, ഐഹികലോകത്തിന്‍റെ അടുത്ത ആകാശത്തെ നാം വിളക്കുകള്‍ കൊണ്ട് അലങ്കരിച്ചിരിക്കുന്നു, അവയെ നാം പിശാചുക്കളെ എറിഞ്ഞോടി ക്കാനുള്ളവയും ആക്കിയിരിക്കുന്നു, അവര്‍ക്ക് നാം കത്തിയാളുന്ന നരകശിക്ഷ ഒരുക്കിവെക്കുകയും ചെയ്തിരിക്കുന്നു.
55: 33 ല്‍, പ്രമാണമായ അദ്ദിക്ര്‍ കൂടാതെ ജിന്നുകള്‍ക്കോ മനുഷ്യര്‍ക്കോ ആകാശഭൂമികളുടെ പരിധികള്‍ ലംഘിച്ച് കടന്നുപോകാന്‍ സാധ്യമല്ല എന്ന് പറഞ്ഞിട്ടുണ്ട്. 7: 26 ല്‍ വിവരിച്ച പ്രകാരം അദ്ദിക്ര്‍ കൊണ്ട് ആത്മാവിന്‍റെ ജിന്നുകൂട്ടുകാരനെ വിശ്വാസിയാക്കിയവന് മാത്രമേ 83: 18 ല്‍ പറഞ്ഞ സ്വര്‍ഗത്തിലുള്ള ഇല്ലിയ്യീന്‍ പട്ടികയില്‍ തന്‍റെ കര്‍മങ്ങള്‍ രേഖപ്പെടുത്താന്‍ സാധിക്കുകയുള്ളൂ. ഫുജ്ജാറുകളായ ഭ്രാന്തന്മാര്‍ക്ക് ആകാശത്തിന്‍റെ വാതിലുകള്‍ തുറന്നുകൊടുക്കുകയോ തുന്നല്‍ക്കാരന്‍റെ സൂചിയുടെ ദ്വാരത്തിലൂടെ ഒട്ടകം പ്രവേശിക്കുന്നത് വരെ അവര്‍ സ്വര്‍ഗത്തില്‍ പ്രവേശിക്കുകയോ ഇല്ല എന്ന് ഫു ജ്ജാറുകള്‍ 7: 40 ല്‍ വായിച്ചിട്ടുണ്ട്. 15: 16; 37: 6-10 വിശദീകരണം നോക്കുക.